Mahirap itago.
Mahirap ikubli;
Mahirap mabobo sa sitwasyong
walang sukli.
Mahirap tumakas.
Mahirap umiwas;
Mahirap yumakap sa ala-alang
yayakap din sa hukay.
Mahirap ngumiti.
Mahirap umalalay;
Mahirap kumapit sa hinuhang
akala mo'y gising.
Mahirap dumantay.
Mahirap sumandal;
Mahirap kumutan ang mainit na nanlamig.
Mahirap kumilos.
Mahirap umasa;
Mahirap magpatuloy sa napipinto
nitong pagwawakas.
Mahirap umawit.
Mahirap sumabit;
Mahirap magpigil ng luhang nangingilid.
Mahirap isipin.
Mahirap kalimutan;
Mahirap magpakumbinsi sa reyalidad
na ayaw paniwalaan.
. . .
Ngunit may buhay nga kayang nagsasabing magpapadali sa lahat ng mahirap?
ikaw? minsan ka bang nahirapan?
o sadyang pinahihirapan mo lang ang 'yong sarili?
sa bandang huli. . .
makalagpas ka kaya?
Mahirap. . .
Mahirap. . .
Mahirap. . .
Mahirap tumawid sa tulay na alam mong balang araw ay mapuputol din.
